傳統茶記有好多小食，想食哂就要逐個嗌，但夾夾埋埋都好貴～ 想食得多但又想平啲，有咩選擇？ 可以試下呢間嘅百搭瑞士雞髀餐！！ 除咗有佢最招牌嘅瑞士雞髀之外，仲可以自由配搭其他小食～～ 超級抵食！
北角名物瑞士雞髀小店，經常座無虛席，套餐總類多到數吾曬，總有一款岩你口味，小今次叫左兩個餐，一個係瑞士雞髀+魚柳包，另一個瑞士雞髀+沙爹牛肉包，套餐連飲品，好味又抵食。
去開北角專程來到一間以瑞士雞脾馳名既小店-祥發茶餐小廚。個名後面寫到明瑞士雞脾專門店，當然要試下瑞士雞脾啦🍗🍗未到LUNCH時間去到門口已經見到唔少人等緊。不過唔使擔心，佢有好大個MENU好多選擇比你慢慢睇，N咁多個配搭包你諗下諗下時間好快過。第一樣當然要試下個瑞士雞脾啦，🍗一咬落去瑞士汁既味充滿口腔，就好似飲左一啖薑醋，薑醋既靈魂困係雞脾肉裏面，非常好食。
📍祥發 - 北角-祥發係返工放飯時間既最愛食堂之一 選擇超多任人配搭 價錢都好合理 滿足到唔同人既需要😛佢個餐牌好得意 有A-M咁多欄 然後大家可以按自己喜好揀2-3款 再跟杯野飲 價錢大概係$4x-$5x一個餐佢啲選擇種類都幾多 有小食有飯有麵有甜品有包佢仲會定時出啲期間限定既野食俾你揀 所以成日食都唔會覺得悶！
地址: 北角七姊妹道27D號
营业时间: 08:00-21:30
Facebook: iconnectfuturehk
Instagram: iconnectfuturehk
电话号码: 852-2891 8211
